（林祖舜跪低的前世今生（下）
其實呢個建基於被BAN嘅HKG+新APP，LIHKG嘅冒起，我最初都唔太睇好，始終高登嘅路徑依賴效應太強，唔容易拉走對林祖舜無乜恨意嘅會員。
但係慢慢LIHKG呢件事變得愈來愈「有型」，其實好多時反傳統、反建制嘅運動之所以Work，就係因為可以將成件事包裝到好型，而LIHKG的確做倒呢個風潮，因為除左個APP功能的確係優勝過你高登垃圾官方APP太多之餘，你林祖舜響共媒hk01高調回應都唔肯響高登出個post講，同態度惡劣亦令LIHKG班新人突然有咗「抗爭者光環」，撐你呢個不思進取嘅舊ICON反而係七。咁只要走嘅人一到Critica Point，成件事就會以雪球效應式發生，所以林祖舜堅FEEL倒勢色唔對，先急急腳一轉之前囂張態度而「尋求對話」。
作為一個中立人士，我先撇開入面究竟有幾多打手潛伏，但成個問答過程真係反映咗林祖舜好多前世、今生嘅七事。首先係高登討論區功能七，本來就係眾所周知嘅事、而你林祖舜第一個救亡行動竟然係「下個禮拜就會有新Mobile Version、幾個禮拜後就會有新版App」、然後仲要「新Version只係改左最急嘅嘢、其他慢慢Plan做」，我心諗到你搞得掂哂，高登都變咗「鮑魚之肆」。跟住好七嘅係，好多高登仔投訴嘅問題，例如打字無啦啦亂碼，竟然都響林祖舜自己個POST度出現，完全體現咗高登討論區根本已不思進取多年、毫無改善之心。
另外林祖舜一直用「本來我以為唔好介入咁深、會中立啲」黎解釋年來佢唔撚理高登嘅藉口，問題係好多高登仔對佢嘅建議根本同立場無關，擺明佢唔介入根本就係覺得壇野上哂軌道唔駛再花心思，掉番轉亂咁ban人果個Admin為所欲為、最初ban走哂LIHKG班人嘅例子亦令佢難以自圓其說。
仲有到依一刻先知，原來林祖舜只識用手寫輸入法！雖然我地唔應該歧視手寫人，但更加肯定嘅係，佢從來無真心想同高登仔溝通嘅打算，否則你人人出POST的話，好難唔學識一種半種輸入法，佢人地留言都留到去四十幾版，佢仲覆緊第十幾版嘅POST，仲要REPLY來來去去都係果幾隻字咩「OK」、「SORRY」、「可以諗諗」，真係好撚肉酸。
你話林祖舜肯蒲頭出黎係咪值得鼓掌？係，但以佢不思進取之久、得罪高登仔之嚴重、積累問題之多、對問題反應之慢，都唔係呢種低姿態足以彌補。而更大鑊嘅係，當有人建議佢同高登仔合作解決呢個危機時，林祖舜都仲係堅持自己可以獨力搞掂，呢種心態老實講真係OUT哂，就算今舖比你救得番，長遠黎講高登亦勢必被時代淘汰，而且時間仲要比所有人想像都要快。（你睇人地TVB都放棄抄你個官方APP啦）
＝＝＝＝＝＝＝＝＝＝
最後，容我以轉載成條Tread寫得最好嘅一位網友留言作為結尾：
////其實我真係唔向左走向右走明你諗乜，我自己都係老細，行政管理上我冇講o的乜，但apps上你真係太固執，由一開始我就用lihk, 的確，論方便同apps load遠比你所謂什麼官方apps好千百萬陪。 ok很清楚大家都要成本要出糧要食飯，同樣你接手高登都係為賺錢。咁多人Hi 你，有冇諗過點解？ 你想冇人Hi好易，個forum冇客自然冇人Hi。 2016年由網頁page到手機apps仲停留係古代你冇可能唔知，一些 硬性投資係必需的。再者，高登有別於其他forum, 的確太自由會失控，但也是佢值錢地方，有辣有唔辣，做得痴線佬forum就唔該人性化返少少，賣廣告我明，但你真係以為學其他forum咁賣就過到骨？ 呢到係九反之地，獨立一套使用文化，你夾硬黎係得架，走哂o的人之嘛。
第二，你只係考慮正常管理，迫走lihk同hkg┼ , 思想停留係古代，街外錢你一個人揾得哂？ pc贏mac機只因夠自由，有人同你develop埋apps你一一拒絕？ 唔係傻的嗎 係乜Seven？ 你咁向左走向右走勁自己develop哂display card , 主板，harddisk同cpu呀笨。
點解唔open埋socket比3rd apps賣廣告然後分成？ 一個連向左走向右走住可以做到個apps超你官方幾十班，點解要固執定花費大量資源去做個癈apps? 高登係怪地方，根本唔可以用常理去管，百花齊放先係值錢，至於點回收呢舊錢，你根本應該好好同3rd開發者去傾，你it幾多料我唔知，但作為一個生意人，看在眼內你決策十分傻的嗎, 我鬼唔知呀媽係女人分比第三方apps好多麻向左走向右走煩野要處理，開得檔做生意就係咁架啦，由其玩虛擬媒體，用傳統管理學去run你買定官材都得，yahoo點彈起，跟住點比google收佢皮你唔可能唔知，高登老本係有，但再傻的嗎 固執一成不變要Stop la根本估計唔到有幾快。
最後，做生意個個都想獨食，但點都要分o的比人先可以坐大，我敢肯定你現時點投資源去開發apps都冇可能超過lihk同hkg┼ o既接受程度。 只有用家才真正知道用家意向，但那個集團可以100% 順從民意？ 係得呢個世界冇加盟呢樣野啦。 一係你大把錢到可以重新創做到個文化，潮流，唔係就下放比人百花齊放，引入聯邦管理系統，分利同時分責， 好過你傻的嗎9 請幾隻今天同你倒米。//
賺錢 app lihkg 在 每月3萬元睡後被動收入靠一部電話達成!? 不用買樓 ... - YouTube 的推薦與評價
活動受條款細則約束，活動詳情請以漲樂全球通 App 內官方信息為準。 ... 收入方法」| 優缺點分析 (cc字幕) #被動收入2022 #NFT 賺錢 #睡後收入#投資新手. ... <看更多>